დავით მაჭახელიძე

Intel-მა და Shell-მა დაასერტიფიცირეს სერვერების იმერსიული გაგრილების მეთოდი საპოხი მასალების საფუძველზე. მეთოდი განკუთვნილია ხელოვნური ინტელექტის მონაცემთა დამუშავების ცენტრებისთვის, რომლებიც აღჭურვილია Intel Xeon Emerald Rapid ან Sapphire Rapid პროცესორებით.

ტრადიციულად, ხელოვნური ინტელექტის მონაცემთა ცენტრებში ტემპერატურის შესამცირებლად გამოიყენება გიგანტური ვენტილატორები, რომლებიც მოიხმარენ მნიშვნელოვან ელექტროენერგიას, რაც შედარებულია თავად სერვერების ენერგომოხმარებასთან. Intel-სა და Shell-ში ვარაუდობენ, რომ ახალი ტექნოლოგია მნიშვნელოვნად შეამცირებს ენერგიის მოხმარებას.

„არსებული გაგრილების მეთოდების მოდერნიზაციამ იმერსიული სითხეების გამოყენებით, შესაძლოა შეამციროს მონაცემთა ცენტრების ენერგომოხმარება 48%-მდე, ასევე შეამციროს კაპიტალური და საოპერაციო ხარჯები 33%-მდე“, – განაცხადა Shell Lubricants-ის ვიცე-პრეზიდენტმა ჯეისონ ვონგმა.

Intel-მა და Shell-მა ტექნოლოგია Supermicro-სა და Submer-ის მოწყობილობებზე გამოსცადეს და ის უკვე მზად არის დასანერგად. სერტიფიცირების პროცედურის ფარგლებში, Intel გთავაზობთ დამატებით გარანტიას Xeon პროცესორების გამოყენებაზე ერთფაზიანი იმერსიული გაგრილებით. გარდა ამისა, განიხილება მომავალი პარტნიორობის შესაძლებლობა კომპანიის ყველაზე თანამედროვე თაობის პროცესორების Shell-ის სითხეებთან სერტიფიცირებისთვის.