დავით მაჭახელიძე

Windows-ის ინსტალაციის პროგრამა საშუალებას მოგცემთ, აირჩიოთ NTFS ფაილურ სისტემას (ნაგულისხმევი) და ReFS-ის ალტერნატიულ ფაილურ სისტემას შორის. Windows-ის სუფთა ინსტალაციისას (ISO ფაილიდან ან USB-დან) მომხმარებელი მოხვდება ეკრანზე, სადაც შეძლებს აირჩიოს თავისი რეგიონი და ენა, შეიყვანოს პროდუქტის გასაღები და აირჩიოს შენახვის დანაყოფი.

Windows-ის ინსტალაციები ნაგულისხმევად დაკავშირებულია NTFS ფაილურ სისტემასთან. თუმცა, ახალ ინსაიდერულ ვერსიებში, Windows 11 Build 27823-დან (Canary) დაწყებული, ეს ასე აღარ არის. აღმოაჩენილია დამალული გადამრთველი, რომელიც საშუალებას გაძლევთ, აირჩიოთ, დააინსტალიროთ Windows NTFS-ში ან ReFS-ში ფორმატირებულ დისკზე.

Resilient File System (ReFS) არის ახალი თაობის ფაილური სისტემა, რომელიც Microsoft-მა შეიმუშავა, როგორც NTFS-ის შემცვლელი, რომელიც გამოიყენება Microsoft NT ოპერაციულ სისტემებში 1993 წლიდან.

ReFS წარმოდგენილი იყო 2012 წელს და ჩაფიქრებული იყო როგორც NTFS-ის გაუმჯობესებული ვერსია, რომელიც შეინარჩუნებს მის უპირატესობებს და გათავისუფლდება ზედმეტი სირთულისგან. NTFS-ისგან განსხვავებით, ReFS არ უჭერს მხარს ზოგიერთ ფუნქციას, როგორიცაა ფაილების მოკლე სახელები, ცალკეული ფაილების დაშიფვრა და შეკუმშვა, მყარი ბმულები და კვოტირება.

NTFS-ში და ReFS-ში Windows-ის ინსტალაციის შესაძლებლობა შესაძლოა გამოჩნდეს Windows 11 25H2-ში 2025 წლის ოქტომბერში ან სექტემბერში. თუმცა, არსებობს ალბათობა, რომ სიახლეები მხოლოდ 2026 წელს ვიხილოთ.