დავით მაჭახელიძე

KDE-ს ბლოგზე მოყვნენ საკუთარი ვირტუალური მანქანების მენეჯერის Karton-ის შემუშავების შესახებ. მოსალოდნელია, რომ გამოშვების ვერსია 2025 წლის ზაფხულის ბოლომდე გამოვა.

პროექტზე Google Summer of Code 2025 პროგრამის ფარგლებში მუშაობს დერეკ ლინი. ის კანადის ვატერლოოს უნივერსიტეტის მეორე კურსის სტუდენტია. გასულ წელს დერეკმა დაიწყო ექსპერიმენტები QEMU-ს ბრძანების ხაზის ინტერფეისით, ხოლო 2025 წელს ეს იდეა GSoC-ის პროექტად აიღო. სტუდენტის მთავარი ამოცანაა KDE ეკოსისტემისთვის ვირტუალური მანქანების მენეჯერის შემუშავება.

Karton-ის ინტერფეისისთვის დერეკი იყენებს Qt Quick-სა და Kirigami-ს. ვირტუალური მანქანების მართვა ხორციელდება libvirt API-ს საშუალებით. ამჟამად პროექტის ავტორი მუშაობს domain installer-ის ახალ ვერსიაზე, რომელიც შეძლებს პირდაპირ გამოიძახოს libosinfo virt-install-ის ნაცვლად.

თუ ვადებზე ვისაუბრებთ, Google Summer of Code 2025 პროგრამა ოფიციალურად 2 ივნისს იწყება. 14 ივლისამდე დერეკ ლინი გეგმავს აპლიკაციის წინასწარი ვერსიის გამოშვებას, რათა ჟიურიმ შეძლოს მისი მუშაობის შეფასება. საბოლოო ვერსია მზად იქნება 2025 წლის ზაფხულის ბოლოსთვის.

Google Summer of Code — ყოველწლიური პროგრამა სტუდენტებისთვის, რომელიც მიზნად ისახავს ახალგაზრდა დეველოპერების მოზიდვას ღია კოდის პროექტებში. ფინალისტები Google-სგან გრანტებს იღებენ.